今日嘅讲座系比大家了解多Ｄ就业市场会遇到嘅问题，可能有部分对职涯方向仲未有想法，亦有部分系职涯路上发光期间觉得孤独、无助…每一位面对嘅问题或者需要都唔同，所以大家要多多发问呀！

你仲系虫身，只系因为你仲未清楚自己嘅潜能同适合你嘅发展方向。去参加劳工局嘅「职业潜能评估」搵出合适你嘅发展路向啦！系2017年，呢项「职业潜能评估」仲会深入学校，直接帮助有需要嘅学生添！认清发展方向只系第一步咋。

各位希望发光发热嘅同学仔记得参加「青年就业博览会」同善用即将上线嘅「网上就业配对平台」呀！无论雇主定雇员都可以透过呢D平台，直接搵到合适嘅人才或工种，了解多D就业资讯，无往而不利㗎～

咁样就「无惧世事变改」，老板「还是越萤越爱」，我地都可以继续发光发热，应付自如啦！

政府一直关注就业市场嘅需求，仲透过教育宣传、修订法案、加强执法去监察同埋管理劳动市场，保障本地居民嘅就业机会同劳动权利。

政府透过各项大型职安健奖励计划、开办职安健嘅培训课程、资格认证同资助职安健设备等等，增强大家对工作安全嘅意识。当然唔少得巡查啦！对工作环境唔合格嘅公司仲会进行处罚㗎！

每一只能够系漆黑中照亮别人嘅萤火虫，都一定要了解到呢D服务，透过各种培训努力装备好自己，为自己增值，胜任职业生涯上各种晋升或横向流动嘅要求，到时真系闪到你想隐藏自己都难呀！