有人话，喺澳门打工仔只有两条路：一系做赌场，一系打政府工……
唔通就冇其他路可以行？？？梗系有啦！
 
只要走对路，升「呢」无难度!
 
唔信？小编就同大家分享个励志嘅故事喇！！
 
其实劳工局一直都有因应劳动市场嘅需要开办各项职业培训课程及活动，帮各位打工仔发挥潜能及学习专业技能！
 

第一个故事嘅主角就系24岁慨职场新鲜人阿麟。好多人觉得大学证书系社会嘅入场券，但阿麟并冇因为考唔到大学而放弃，反而为佢打开左另一道成功嘅大门：就系报读左劳工局开办嘅两年制「学徒培训之电子及通讯课程」。唔好睇呢科好似好冷门咁，其实好多大企业都需要呢方面嘅人材架！

毕业嘅时候，阿麟喺电子知识方面打下咗嘅坚实基础，咁就梗系食住个势，修读埋劳工局一年制并以工作实习为主嘅「设施管理见习技术员课程」啦。

阿麟凭着自已嘅专业知识同积极嘅工作态度，边学边做，获得佢嘅实习公司 -- 一间大型澳门专营公司聘用为技术员，主要负责低压网络嘅接驳及维修工作。现时在这公司已工作咗三年，他嘅上司谭先生对佢嘅工作表现好满意，认为他系同期入职嘅员工中较快上手嘅一个。

2014年赴香港参加《第8届穂港澳蓉青年技能竞赛》并获得银奖

2015年赴巴西圣保罗代表澳门参加《第43届世界职业技能竞赛》

除左读书，阿麟仲参加过国际性嘅技能竞赛，从中获得唔少经验同知识。工余时间阿麟仲KEEP住持续进修架。他现正修读「机电助理工程师课程」，不停装备自己，先可以KEEP住升呢架嘛！

只要走对路，搵工无难度!
 
黑仔明：点解次次见工后都无下文嘅？唔通连个天都唔钟意我？？
 
小编：唔驶咁SAD 喎，正所谓生命有希望嘛。唔信？小编就再同大家分享个励志慨故事喇！！绝非虚构，百分百真人真事！
 

阿德今年5月初喺劳工局登记搵一D地盘相关嘅职位，仲获得转介去一间建筑公司应征电工职位，但阿德因未能通过技能测试而不获聘用。在场监察慨劳工局培训导师认为佢只系少左相关技能而未获聘请，相信经短时间嘅培训，便可提升佢嘅技能水平同就业竞能力。

所以喺阿德同意下，安排左佢喺6月参加6小时课时嘅“低压电力装置”电工强化课程，系7月就成功取得劳工局「初级维修电工」嘅职业技能证明，就业竞争力就梗系升左呢喇。随后，阿德再次获安排应征同一公司嘅电工职位，并顺利通过面试，获企业聘用。

有志者事竟成，千万唔好睇小自己，只要认清目标，积极透过各种培训努力装备自己，为自己增值，一定能胜任职场上各种要求！ 
 
黑仔明：听完呢两个真实又励志嘅故仔，我明白自己少左D咩喇！！多谢哂小编！