有人話，喺澳門打工仔只有兩條路：一係做賭場，一係打政府工……
唔通就冇其他路可以行？？？梗係有啦！
 
只要走對路，升「呢」無難度!
 
唔信？小編就同大家分享個勵志嘅故事喇！！
 
其實勞工局一直都有因應勞動市場嘅需要開辦各項職業培訓課程及活動，幫各位打工仔發揮潛能及學習專業技能！
 

第一個故事嘅主角就係24歲嘅職場新鮮人阿麟。好多人覺得大學證書係社會嘅入場券，但阿麟並冇因為考唔到大學而放棄，反而為佢打開左另一道成功嘅大門：就係報讀左勞工局開辦嘅兩年制「學徒培訓之電子及通訊課程」。唔好睇呢科好似好冷門咁，其實好多大企業都需要呢方面嘅人材架！

畢業嘅時候，阿麟喺電子知識方面打下咗嘅堅實基礎，咁就梗係食住個勢，修讀埋勞工局一年制並以工作實習為主嘅「設施管理見習技術員課程」啦。

阿麟憑着自已嘅專業知識同積極嘅工作態度，邊學邊做，獲得佢嘅實習公司 -- 一間大型澳門專營公司聘用為技術員，主要負責低壓網絡嘅接駁及維修工作。現時在這公司已工作咗三年，他嘅上司譚先生對佢嘅工作表現好滿意，認為他係同期入職嘅員工中較快上手嘅一個。

2014年赴香港參加《第8屆穂港澳蓉青年技能競賽》並獲得銀獎

2015年赴巴西聖保羅代表澳門參加《第43屆世界職業技能競賽》

除左讀書，阿麟仲參加過國際性嘅技能競賽，從中獲得唔少經驗同知識。工餘時間阿麟仲KEEP住持續進修架。他現正修讀「機電助理工程師課程」，不停裝備自己，先可以KEEP住升呢架嘛！

只要走對路，搵工無難度!
 
黑仔明：點解次次見工後都無下文嘅？唔通連個天都唔鍾意我？？
 
小編：唔駛咁SAD 喎，正所謂生命有希望嘛。唔信？小編就再同大家分享個勵志嘅故事喇！！絕非虛構，百分百真人真事！
 
 

阿德今年5月初喺勞工局登記搵一D地盤相關嘅職位，仲獲得轉介去一間建築公司應徵電工職位，但阿德因未能通過技能測試而不獲聘用。在場監察嘅勞工局培訓導師認為佢只係少左相關技能而未獲聘請，相信經短時間嘅培訓，便可提升佢嘅技能水平同就業競能力。

所以喺阿德同意下，安排左佢喺6月參加6小時課時嘅“低壓電力裝置”電工強化課程，係7月就成功取得勞工局「初級維修電工」嘅職業技能證明，就業競爭力就梗係升左呢喇。隨後，阿德再次獲安排應徵同一公司嘅電工職位，並順利通過面試，獲企業聘用。

有志者事竟成，千萬唔好睇小自己，只要認清目標，積極透過各種培訓努力裝備自己，為自己增值，一定能勝任職場上各種要求！ 
 
黑仔明：聽完呢兩個真實又勵志嘅故仔，我明白自己少左D咩喇！！多謝哂小編！