都市传说：「听讲呢～一毕业，就双失架啦～」
我说：「你有无去过《青年就业博览会》先？」
 
 青年～正处于人生入边最有火嘅阶段，而如果可以善用依一团火，又或者为一众火火人提供多元嘅就业平台，澳门嘅发展真系想唔好都几难！
 
 正正明白青年人依种热诚满满，但未必对就业前景有清晰概念嘅暧昧时期，劳工事务局喺今年暑假继续同青年团体合办《青年就业博览会》，目的都喺想令青年人可以掌握最新职场资讯同规划适合自己嘅发展方向！
 

当中唔少青年都表示澳门嘅就业环境搵工唔算太难，但要搵到自己有兴趣或者啱自己嘅工作就唔太易！所以透过《青年就业博览会》依个搵工平台，有更多机会接触具新鲜感同具挑战性嘅心仪工作架！

当然，求职同招聘喺一个双向共依嘅关系。所以除咗向青年人提供就业机会之外，依个平台亦为各企业打开广纳人才嘅大门！有唔少老板都赞依个平台正！正！正！而且仲赞我地Ｄ年青员工态度积极、沟通良好，而且仲进步好快TIM！
 

阿清获上司赞赏其工作态度积极，沟通良好。

《青年就业博览会》不单可让青年人更容易搵到心仪工作！而且亦有公司高级主管表示：「自2015年已经参与《青年就业博览会》，当时亦物色咗部分年青新丁加入团队，而短短两年时间，佢地已从助理擢升为经理！」

所以，各位火火青年人，刚出社会，当然需要先多多吸收经验。但只要你肯学、工作态度够积极、够主动～你总会有LEVEL UP 嘅一日！
 
向创业青年提供多元服务，为创业者提供资金援助，提升创业营商能力
 
 我明～有唔少青年人都有一个创业梦！会觉得与其打工，倒不如「前路由我创」！你都岩，但创业起步果一下，喺会存在ＤＤ难度。但系唔怕～依方面特区政府帮到你！！
 
 好似呀苏先生嘅例子，佢留意到特区政府好积极咁支持本地与内地及葡语国家嘅双向经贸，作为醒目仔嘅佢，就开始对葡语系国家嘅产品动咗心！仲好主动咁去同Ｄ代理沟通，倾下Ｄ葡国海鲜罐头、橄榄油等等嘅批发同分销。
 

一开始，由于无乜营运经验，所以苏先生嘅零售反应一般。但佢无气馁，仲更积极咁参加各项会展活动！佢嘅营业额亦喺佢嘅努力打拚下，得到大！大！提！升！但创业之路点会平坦？以为已经打低咗一只怪物，另一只异形又嚟啦～因为客户嘅增长，苏先生需要一笔资金去购买设备同埋入货！啱啱创业，边有咁多流动资金？…就喺依个时候～经济局嘅《青年创业援助计划》就助咗佢一臂之力啦！
 

透过获批援助嘅款项，苏先生唔单止买左所需设备，仲透过加大宣传投入，进一步取得中国独家代理权TIM！佢真系好叻仔呀！

今年，苏先生仲获澳门贸易投资促进局支持，成为“2017澳门国际贸易投资展览会和葡语国家产品及服务展”特邀参展商，成果仲好好添！
 

最近，苏先生仲开始研究通过跨境电商平台，拓展内地市场，目标喺两年内将佢企业代理嘅产品带到内地一线城市。哗～真系劲到震～～ 
 
所以，为理想燃烧吧～青年人！特区政府喺后面撑你呀！加油！澳门以你为荣！