都市傳說：「聽講呢～一畢業，就雙失架啦～」
我說：「你有無去過《青年就業博覽會》先？」
 
 青年～正處於人生入邊最有火嘅階段，而如果可以善用依一團火，又或者為一眾火火人提供多元嘅就業平台，澳門嘅發展真係想唔好都幾難！
 
 正正明白青年人依種熱誠滿滿，但未必對就業前景有清晰概念嘅曖昧時期，勞工事務局喺今年暑假繼續同青年團體合辦《青年就業博覽會》，目的都喺想令青年人可以掌握最新職場資訊同規劃適合自己嘅發展方向！
 

當中唔少青年都表示澳門嘅就業環境搵工唔算太難，但要搵到自己有興趣或者啱自己嘅工作就唔太易！所以透過《青年就業博覽會》依個搵工平台，有更多機會接觸具新鮮感同具挑戰性嘅心儀工作架！

當然，求職同招聘喺一個雙向共依嘅關係。所以除咗向青年人提供就業機會之外，依個平台亦為各企業打開廣納人才嘅大門！有唔少老闆都讚依個平台正！正！正！而且仲讚我地Ｄ年青員工態度積極、溝通良好，而且仲進步好快TIM！

阿清獲上司讚賞其工作態度積極，溝通良好。

《青年就業博覽會》不單可讓青年人更容易搵到心儀工作！而且亦有公司高級主管表示：「自2015年已經參與《青年就業博覽會》，當時亦物色咗部分年青新丁加入團隊，而短短兩年時間，佢地已從助理擢升為經理！」

所以，各位火火青年人，剛出社會，當然需要先多多吸收經驗。但只要你肯學、工作態度夠積極、夠主動～你總會有LEVEL UP 嘅一日！

向創業青年提供多元服務，為創業者提供資金援助，提升創業營商能力
 
 我明～有唔少青年人都有一個創業夢！會覺得與其打工，倒不如「前路由我創」！你都岩，但創業起步果一下，喺會存在ＤＤ難度。但係唔怕～依方面特區政府幫到你！！
 
 好似呀蘇先生嘅例子，佢留意到特區政府好積極咁支持本地與內地及葡語國家嘅雙向經貿，作為醒目仔嘅佢，就開始對葡語系國家嘅產品動咗心！仲好主動咁去同Ｄ代理溝通，傾下Ｄ葡國海鮮罐頭、橄欖油等等嘅批發同分銷。
 

一開始，由於無乜營運經驗，所以蘇先生嘅零售反應一般。但佢無氣餒，仲更積極咁參加各項會展活動！佢嘅營業額亦喺佢嘅努力打拚下，得到大！大！提！升！但創業之路點會平坦？以為已經打低咗一隻怪物，另一隻異形又嚟啦～因為客戶嘅增長，蘇先生需要一筆資金去購買設備同埋入貨！啱啱創業，邊有咁多流動資金？…就喺依個時候～經濟局嘅《青年創業援助計劃》就助咗佢一臂之力啦！

透過獲批援助嘅款項，蘇先生唔單止買左所需設備，仲透過加大宣傳投入，進一步取得中國獨家代理權TIM！佢真係好叻仔呀！

今年，蘇先生仲獲澳門貿易投資促進局支持，成為“2017澳門國際貿易投資展覽會和葡語國家產品及服務展”特邀參展商，成果仲好好添！

最近，蘇先生仲開始研究通過跨境電商平台，拓展內地市場，目標喺兩年內將佢企業代理嘅產品帶到內地一線城市。嘩～真係勁到震～～ 
 
所以，為理想燃燒吧～青年人！特區政府喺後面撐你呀！加油！澳門以你為榮！