系上一篇《「漆黑中嘅萤火虫」是如何炼成的？》我地知道原来「漆黑中嘅萤火虫」之所以咁明亮咁出众，实在有赖青年嘅努力进取同埋政府嘅服务相配合。

而正所谓「条条大路通罗马」，有人投入就业，自然就有人创业，到底我地条职涯路又应该点撰择呢？

各位暂时冇答案嘅朋友，「职业潜能评估」就可以帮到你啦！透过政府嘅「职业潜能评估」服务得到一 D属于你嘅个人潜能数据，可以帮到你更了解自己㗎～

如果认为自己适合就业，咁就唔好错过每年年中举办嘅「青年就业博览会」啦，系呢个平台不单只容易获得合适嘅就业资讯，亦可以加强自我规划职涯路向嘅能力。

对自身潜能、属性有一定了解之后，除左直接投身就业市场外，亦有唔少青年会选择再向前踏出一大步──创业。

创业路的确唔易行～所以，政府设立「青年创业孵化中心」，为青年创业提供实际嘅支持同服务！

叫得做「青年创业孵化中心」，梗系唔止提供创业资讯咁简单啦～「青年创业孵化中心」仲会为创业者提供企业成长所需环境，例如资金援助、培训、借用办公室同交流机会……而且，孵化中心亦会追踪创业个案，透过同青年社团嘅合作，邀请行内资深人士协助跟进同解决大家系创业期间遇到嘅各种问题。

系黎紧嘅2017年仲会开展埋「青创朋友圈」，各位创业青年系呢度互相交流资讯同分享经验，仲可以扩阔营商脉络。

另一方面，政府亦加强同广东自贸区等邻近地区青创基地嘅双向合作，并逐步将创业嘅支援服务扩展到泛珠三角区域同葡语国家。目的系协助青年掌握市场脉络，扩宽发展空间。

与其将梦想变成咸鱼同遗憾，不如认真听下梦想嘅吶喊！把握机会，善用政府提供嘅「青年创业孵化中心」服务，令不可能变成人人「LIKE爆」！