係上一篇《「漆黑中嘅螢火蟲」是如何煉成的？》我地知道原來「漆黑中嘅螢火蟲」之所以咁明亮咁出眾，實在有賴青年嘅努力進取同埋政府嘅服務相配合。

而正所謂「條條大路通羅馬」，有人投入就業，自然就有人創業，到底我地條職涯路又應該點撰擇呢？

各位暫時冇答案嘅朋友，「職業潛能評估」就可以幫到你啦！透過政府嘅「職業潛能評估」服務得到一 D屬於你嘅個人潛能數據，可以幫到你更了解自己㗎～

如果認為自己適合就業，咁就唔好錯過每年年中舉辦嘅「青年就業博覽會」啦，係呢個平台不單只容易獲得合適嘅就業資訊，亦可以加強自我規劃職涯路向嘅能力。

對自身潛能、屬性有一定了解之後，除左直接投身就業市場外，亦有唔少青年會選擇再向前踏出一大步──創業。

創業路的確唔易行～所以，政府設立「青年創業孵化中心」，為青年創業提供實際嘅支持同服務！

叫得做「青年創業孵化中心」，梗係唔止提供創業資訊咁簡單啦～「青年創業孵化中心」仲會為創業者提供企業成長所需環境，例如資金援助、培訓、借用辦公室同交流機會……而且，孵化中心亦會追蹤創業個案，透過同青年社團嘅合作，邀請行內資深人士協助跟進同解決大家係創業期間遇到嘅各種問題。

係黎緊嘅2017年仲會開展埋「青創朋友圈」，各位創業青年係呢度互相交流資訊同分享經驗，仲可以擴闊營商脈絡。

另一方面，政府亦加強同廣東自貿區等鄰近地區青創基地嘅雙向合作，並逐步將創業嘅支援服務擴展到泛珠三角區域同葡語國家。目的係協助青年掌握市場脈絡，擴寬發展空間。 
 
與其將夢想變成咸魚同遺憾，不如認真聽下夢想嘅吶喊！把握機會，善用政府提供嘅「青年創業孵化中心」服務，令不可能變成人人「LIKE爆」！