「人冇夢想，咁同條咸魚有乜分別呀？」呢句說話我地由細聽到大，小編初初都以為係笑話，但人越大就越係覺得有道理，簡直係心入面嗰句呀（ 握拳 ）！
原來政府都聽到我地心聲喎～近年仲因應社會嘅需要，推出一系列協助年青人發展同做好職涯規劃嘅服務以及扶助方案，例如「職業潛能評估」、「模擬面試工作坊」、「就業選配服務」、「青年創業孵化中心」等等……受惠嘅青年都唔少㗎！最近佢地仲拍左齣微電影添～
小編好鍾意嘅作家兼導演九把刀，佢都講過「夢想不是掛在嘴邊炫耀的空氣，而是需要認真的實踐。等到對的風，我們展翅翱翔。沒有風，只要擁有足夠強壯的翅膀，我們照樣拔地飛行。人生最重要的，不是完成了什麼，而是如何完成它。天空見。」
記得多年前有位前輩勉勵小編「追求卓越，報酬同成就自然會跟住黎㗎啦！」，其實不論係就業又好創業又好，只要心中有團火，成功只係時間問題，依家仲有埋政府嘅協助同埋引介，就一定可以更快更易咁搵到自己嘅一片天啦！
各位青年朋友，一於黎勞工事務局同經濟局查詢下啦！我地天空見！
【網上服務】包括:
●招聘及就業選配：http://www3.dsal.gov.mo/job/
●網上求職及招聘服務：https://www3.dsal.gov.mo/jobseeking/
●青年創業孵化中心：https://www.youth-incubation-centre.mo/